பிரதமர் மோடி பிறந்தநாள் – 100 சதவீதம் தள்ளுபடி அறிவித்த ஆட்டோ ஓட்டுநர்கள்

24

பிரதமர் மோடியின் பிறந்த நாள் இன்று கொண்டாடப்பட உள்ளது.
சூரத் நகரில் உள்ள ஆட்டோ ரிக்சா ஓட்டுநர்கள் சிறப்பு தள்ளுபடிகளை அறிவித்தனர்.
அகமதாபாத்:

பிரதமர் நரேந்திர மோடியின் பிறந்த நாள் இன்று கொண்டாடப்பட உள்ளது. இதனை முன்னிட்டு அவருடைய சொந்த குஜராத் மாநிலத்தில் சிறப்பாக கொண்டாடுவதற்கான நடவடிக்கைகளில் கட்சியினர் மற்றும் மக்கள் ஈடுபட்டுள்ளனர்.

இதன்படி, பிரதமர் மோடியின் பிறந்த நாளை முன்னிட்டு சூரத் நகரில் உள்ள ஆட்டோ ரிக்சா ஓட்டுநர்கள், தங்கள் வாடிக்கையாளர்களுக்கு சிறப்பு தள்ளுபடிகளை அறிவித்துள்ளனர்.

அவர்களில் சிலர் 100 சதவீதம் தள்ளுபடியையும் அறிவித்து வாடிக்கையாளர்களுக்கு மகிழ்ச்சி ஏற்படுத்தி உள்ளனர்.

இதுதொடர்பாக, குஜராத் எம்.எல்.ஏ. பூர்ணேஷ் மோடி கூறுகையில், பிரதமர் மோடியின் பிறந்தநாளில் ஆயிரம் ஆட்டோ ரிக்சா ஓட்டுநர்கள் 30 சதவீத தள்ளுபடியை அறிவித்துள்ளனர். பிரதமர் மோடியின் 73-வது பிறந்தநாளில் 100 சதவீதம் தள்ளுபடி வழங்கும் 73 ஆட்டோ ஓட்டுநர்களுக்கு நன்றி என தெரிவித்தார்.

Join Our WhatsApp Group