சரக்கு இறக்குமதி மீதான கட்டுப்பாடுகளின் முதல் மூன்று மாதங்களில் இலங்கை 1.2 பில்லியன் அமெரிக்க டொலர்களுக்கு மேல் அந்நியச் செலாவணியைச் சேமிக்க முடிந்ததாக இராஜாங்க நிதியமைச்சர் ரஞ்சித் சியம்பலாபிட்டிய நேற்று பாராளுமன்றத்தில் தெரிவித்தார்.
ஆகஸ்ட் 23, 2022 அன்று, அந்நியச் செலாவணியைச் சேமிக்க அத்தியாவசியமற்றதாகக் கருதப்பட்ட 1, 464 பொருட்களின் இறக்குமதியைக் கட்டுப்படுத்த அரசாங்கம் முடிவு செய்தது. எவ்வாறாயினும், நிதியமைச்சகம் மற்றும் மத்திய வங்கியின் ஆய்வுகளின் அடிப்படையில் செப்டம்பர், நவம்பர் மற்றும் டிசம்பர் மாதங்களில் 780 பொருட்களுக்கான கட்டுப்பாடுகளை அரசாங்கம் தளர்த்தியது.
பல்வேறு தொழில் குழுக்கள், வணிக அறைகள் மற்றும் முதலீட்டு வாரியம் ஆகியவற்றின் பரப்புரைகளும் தளர்வுக்கு ஒரு முக்கிய காரணமாகும். இதேவேளை, இறக்குமதி கட்டுப்பாடுகள் தொடர்பில் வளைந்துகொடுக்காத அணுகுமுறையை அரசாங்கம் பின்பற்றத் தயாராக இல்லை என சியம்பலாபிட்டிய தெரிவித்துள்ளார்.
இறக்குமதி மற்றும் ஏற்றுமதி கட்டுப்பாடுகள் தொடர்பில் வெளியிடப்பட்டுள்ள பல வர்த்தமானி அறிவிப்புகள் மற்றும் உத்தரவுகளுக்கு அனுமதி பெறுவதற்கான பிரேரணையை நேற்று பாராளுமன்றத்தில் முன்வைத்து அவர் இதனை தெரிவித்தார்.
