வெளிநாடு செல்வதற்காக விமான நிலையம் சென்ற போது திருப்பி அனுப்பப்பட்ட, நடிகர் ரஞ்சன் ராமநாயக்க இன்று அதிகாலை அமெரிக்காவுக்கு புறப்பட்டு சென்றார் என்று விமான நிலைய வட்டாரங்கள் கூறின. நீதிமன்றத்தினால் விதிக்கப்பட்டிருந்த வெளிநாட்டு பயணத்தடை தடை நீக்கப்பட்டதையடுத்து, ரஞ்சன் ராமநாயக்க கட்டுநாயக்க விமான நிலையத்தில் இருந்து இன்று (29) அதிகாலை அமெரிக்கா சென்றதாக விமான நிலைய குடிவரவு திணைக்களத்தின் பேச்சாளர் ஒருவர் தெரிவித்தார்.
இன்று அதிகாலை 03.50 மணியளவில் கட்டார் ஏர்வேஸ் விமானம் ஊடாக KR-663 இல் கட்டாரின் டோஹாவிற்கு புறப்பட்டார்.
அங்கிருந்து மற்றொரு விமானத்தில் அமெரிக்கா செல்ல உள்ளார்.
அமெரிக்காவில் சுமார் 10 இசை நிகழ்வுகளிலும், கனடாவில் 05 இசை நிகழ்வுகளிலும் பங்கேற்க உள்ளார். நீதிமன்றத்தால் அவருக்கு விதிக்கப்பட்ட விமானத் தடை காரணமாகவே விமான நிலையத்திலிருந்து நேற்று முன்தினம் இரவு திருப்பி அனுப்பப்பட்டிருந்தார்.
