கூகுள் நிறுவனத்தின் பிக்சல் 7 மொபைலுக்கான வெயிடிங் முடிவுக்கு வந்துவிட்டது. எப்போது வெளியாகும் என காத்திருந்த வாடிக்கையாளர்களுக்கு பெரிய செய்தி ஒன்றை கூகுள் கொடுத்து அவர்களை இன்பத்தில் ஆழ்த்தியுள்ளது. அதாவது கூகுள் பிக்சல் 7 சீரிஸூக்கான வெளியீட்டு தேதி அறிவிக்கப்பட்டுள்ளது. இந்த மொபைல் அக்டோபர் 6 ஆம் தேதி ‘மேட் பை கூகுள்’ நிகழ்வில் வெளியிடப்படும் என தெரிவிக்கப்பட்டுள்ளது. இந்த அறிமுகத்திற்கு முன்னதாகவே பிக்சல் 7 மற்றும் பிக்சல் 7ப்ரோ ஸ்மார்ட்போன் மார்க்கெட்டில் களமிறக்கப்பட உள்ளது.
பிக்சல் 7 மற்றும் 7 ப்ரோ விரைவில் இலங்கைக்கு வரவுள்ளதாக கூகுள் அதிகாரப்பூர்வ ட்விட்டர் உறுதிப்படுத்தியுள்ளது.
Google Pixel 7 அம்சங்கள்
I/O 2022-ன் போது ஸ்மார்ட்போனின் வடிவமைப்பை கூகுள் வெளியிட்டது.பிக்சல் 6 தொடரில் காணப்பட்ட விரும்பத்தக்க கேமரா வைசரை இந்த மொபைலிலும் எதிர்பார்க்கலாம். அடிப்படை பிக்சல் 7 ஆனது எல்இடி ப்ளாஷ் கொண்ட இரட்டை கேமரா அமைப்புடன் வரும். உயர்நிலை ப்ரோ மாடலாக இருக்கும் போது, ப்ரோ மாடல் மூன்று கேமரா அமைப்பைக் கொண்டிருக்கும். கைபேசியில் 12MP அல்ட்ராவைட் கேமராவுடன் 50MP பிரதான கேமராவும் இடம்பெறும் என்று அறிக்கைகள் தெரிவிக்கின்றன. பிக்சல் 7 ப்ரோவில் கூடுதலாக 48எம்பி டெலிஃபோட்டோ கேமரா இருக்கும் என்று எதிர்பார்க்கப்படுகிறது.
